Atilla Feyzullahi Təbriz həbsxanasından müvəqqəti azadlığa buraxılıb

QADTB: Cənubi Azərbaycan milli fəalı Atilla Feyzullahi cümə axşamı günü, təxminən bir ay davam edən saxlanılmadan sonra nəhayət girov qarşılığında Təbriz həbsxanasından müvəqqəti olaraq azadlığa buraxılmışdır.

Qeyd olunur ki, Azərbaycan milli hərəkatının fəallarına qarşı təhlükəsizlik təzyiqlərinin davam etdiyi bir şəraitdə, təxminən bir ay əvvəl təhlükəsizlik qüvvələri Təbriz şəhərinin Lalə küçəsində yerləşən Atilla Feyzullahinin iş yerinə basqın etmiş, onu saxlayaraq naməlum ünvana aparmışdılar.

Özlərini Kəşfiyyat İdarəsinin əməkdaşları kimi təqdim edən şəxslər, hər hansı məhkəmə qərarı təqdim etmədən bu vətəndaş fəalını saxlamış və dərhal sonra onun iş yerini möhürləmişdilər. Hadisədən təxminən bir ay keçməsinə baxmayaraq, təhlükəsizlik qurumları Atilla Feyzullahinin saxlanılma yeri və fiziki vəziyyəti ilə bağlı hər hansı rəsmi açıqlama verməkdən imtina etmişdilər.