Bazar , Noyabr 27 2022
azfa

Avropa Şurasından İran qarşısında tələb: “Etirazçılara qarşı zorakılığa dərhal son qoyulsun”

GADTB: Avropa Şurası yaydığı bəyanatda İran hökumətini ölkədə davam edən etirazların zorakılıqla yatırılmasını dərhal dayandırmağa və vətəndaşların internetə çıxışına, sərbəst məlumat axınına zəmanət verməyə çağırıb.

Qurum İslam Respublikası tərəfindən dinc etirazlara qarşı qeyri-adekvat və geniş yayılmış zorakılığı, internet və vətəndaşların sosial şəbəkəyə çıxışını kəsməsini əsassız və qəbuledilməz adlandırıb.

Avropa Şurası habelə İranın hakimiyyət orqanlarının və təhlükəsizlik qüvvələrinin bu ölkənin də imzalayanlardan biri olduğu Mülki və Siyasi Hüquqlar üzrə Beynəlxalq Paktda olan prinsiplərə riayət etmələrinin vacibliyini vurğulayıb.

“Keçən həftə əxlaq polisinin nəzarətində olan və məmurların yaramaz davranışı nəticəsində Məhsa Əmininin ölümündən sonra iranlı kişilər və qadınlar toplaşmaq və etiraz etmək üçün əsas hüquqlarından istifadə ediblər:

Onların təmkinli olmaq tələblərinə baxmayaraq, çoxsaylı hesabatlar göstərir ki, etirazçılara qarşı İranın təhlükəsizlik qüvvələri və polisinin reaksiyası qeyri-adekvat olub, insan itkisinə və çox sayda insanın yaralanmasına səbəb olub”,- deyə, bəyanatda bildirilib.

Bundan əlavə, Avropa Şurası İran hakimiyyətinin internetə çıxışa məhdudiyyətləri gücləndirməsini və mesajlaşma platformalarını bloklamaq qərarını ifadə azadlığının açıq şəkildə pozulması kimi dəyərləndirib.

Çura, İran xalqının dünyanın hər yerində olduğu kimi dinc etiraz etmək hüququnun olduğunu və bu hüququn istənilən şəraitdə təmin edilməsinin vacibliyini qeyd edib.

Avropa Şurası həmçinin İran hökumətindən ölənlərin və həbs olunanların sayı barədə məlumat verməsini və dinc etirazlar zamanı həbs olunanların hamısının azad edilməsini istəyib. / Azad İran

Həmçinin yoxlayın

Molla rejiminin həbs etdiyi azərbaycanlı fəal Məhəmməd Hacılı Urmiyada ETTELAAT İdarəsinin təcridxanasına köçürülüb

GADTB-nin Mətbuat Mərkəzinə daxil olan məlumata görə, molla rejiminin yaxaladığı Güney Azərbaycanın Xoy şəhərindən olan …

Türkiyə ilk pilotsuz qırıcı olan “Bayraktar Kızılelmanın” istehsalına başlayacağını açıqladı

GADTB-nin Mətbuat Mərkəzinə daxil olan məlumata görə, Ərdoğan Türkiyənin ilk pilotsuz qırıcısı “Bayraktar Kızılelmanın” istehsalına …