GADTB Güney Azərbaycan Demokratik Türk Birliyi
GADTB: Avstraliya Azərbaycan Asossasiyası Birliyi Avstraliyanın Sidney şəhərində Azərbaycan Xalq Cümhuriyyətinin 100 illiyi münasibətilə geniş tədbir keçirdi. Tədbir bazar günü may ayının 27-də baş tutub.
AAAB-nin prezidenti və GADTB Beynəlxalq Əlaqələr Departamentinin sədri sayın Mikayıl Oyta və GADTB Maliyyə Departamentinin sədri sayın Sima xanımın təşkilatçılığı ilə təşkil edilən tədbir böyük izdiham və coşqu ilə keçirilib.
AAAB-nin prezidenti və GADTB Beynəlxalq Əlaqələr Departamentinin sədri sayın Mikayıl Oyta GADTB Mətbuat Mərkəzinə göndərdiyi təbrik məktubunda yazır:
Əziz soydaşlarım, vətəndaşlarım!
Avstralia Azərbaycan Asossasiyası Birliyi Azərbaycan Xalq Cümhuriyyətinin 100 illiyi münasibətilə Sidney şəhərində gözəl mərasim keçirdi.
28 may 1918-ci il Tiflis şəhərində Məmməd Əmin Rəsulzadənin elan etdiyi cümhuriyyət münasibətilə tədbir iştirakçıları çıxış edərək səmimi-qəlbdən 55 milyon Azərbaycan türk millətini və bütün Türk Dünyasını təbrik etdilər. Millətimizə uğurlar və erməni işğalında olun Qarabağ və digər torpaqlarımızın tezliklə azad olmasını arzu etdilər.
Avstralia Azərbaycan Asossasiyası Birliyi prezidenti olaraq, bir daha 55 milyon Azərbaycan türk millətini təbrik edib, Güney Azərbaycanda 40 milyon türk millətinə istiqlal uğrunda bu müqəddəs yolda tezliklə istədikləri Güney Azərbaycan Cümhuriyyətinin qurulmasını arzulayıram.
Bütöv Azərbaycan millətinə eşq olsun
O gün olsun ki, bizim əsarətdə olan 40 milyon güneyli öz müqəddəratını (siyasi-ictimai-iqtisadi-kültürəl və s. cəhətlərdə) təyin edib, Bütöv Azərbaycan dövlətinin qurulmasına nail olsun.
Hörmetlə
Mikayil Oyta
Avstraliya Azərbaycan Asossasiyaı Birliyinin prezidenti,
Guney Azərbaycan Demokratik Türk Birliyinin Xarixi Əlaqələr
Departamentinin məsulu
Avstraliya Azərbaycan Asossasiyaı Birliyinin prezidenti sayın Mikayil Oyta ingiliscə də Azərbaycan Xalq Cümhuriyyətinin 100 illiyi münasibətilə müraciət göndərib. buradan oxuya bilərsiniz: 100 years of Azerbaijan Republic day 1918 – PDF
