Axios: İran ABŞ-yə müharibənin dayandırılması üçün yeni təklif təqdim edib

GADTB: Axios xəbər agentliyi mənbələrə istinadən bildirir ki, İran vasitəçilər üzərindən ABŞ-yə müharibənin birdəfəlik dayandırılması və Hörmüz boğazının yenidən açılması məqsədi daşıyan yeni təklif təqdim edib.

Məlumata görə, Tehran Vaşinqtona üç mərhələli danışıqlar formulu irəli sürüb:

1. Müharibənin tam dayandırılması və İranla Livana qarşı hərbi əməliyyatlara yenidən başlanmayacağına dair zəmanətlərin alınması;

2. Bu razılaşmadan sonra Hörmüz boğazının idarə olunması və nəzarət mexanizmləri ilə bağlı danışıqların başlanması;

3. Nüvə proqramı məsələsinin yalnız son mərhələdə və yalnız əvvəlki iki mərhələdə razılaşma əldə olunarsa danışıqlar gündəliyinə daxil edilməsi. /Azad İran