GADTB Güney Azərbaycan Demokratik Türk Birliyi
GADTB: Güney Azərbaycanda təhlükəsizlik mühitinin daha da sərtləşdiyi bir vaxtda, Azərbaycan vilayətlərində fəalların və vətəndaşların yeni həbsləri barədə məlumatlar yayılıb.
Məlumata görə, son günlər təkcə Ərdəbil və Həmədan vilayətlərində azı 21 nəfər saxlanılıb. Parsabad bölgəsi polis idarəsi 3 nəfərin “sosial şəbəkələrdə fəaliyyət”, “rejim əleyhinə təbliğat” və “xarici mediaya foto-video material göndərmək” ittihamları ilə həbs olunduğunu açıqlayıb.
Bununla yanaşı, Sepah-ın Həmədan vilayətindəki qurumu daha 18 nəfərin saxlanıldığını bildirib. Həmin şəxslərə qarşı “monarxiya tərəfdarı qruplarla əlaqə”, “İsraillə əməkdaşlıq” və “xarici media orqanları ilə əlaqə” kimi ittihamlar irəli sürülüb.
Lakin saxlanılan şəxslərin kimliyi, harada saxlanıldıqları, ailələri və vəkillərlə görüş imkanlarının olub-olmaması barədə ətraflı məlumat açıqlanmayıb.
