GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil lan məlumata görə, irqçi fars-molla rejimi Təbrizdə yaşayan azərbaycanlı milli fəal, tanınmış idmançı Kərim İsmayılzadəni aprelin 17-də həbs edərək, 6 aylıq həbs cəzasını çəkmək üçün Təbriz zindanına köçürüb.
Ətraf mühit fəalı Kərim İsmayılzadə bundan öncə Təbrizin İnqilab Məhkəməsi tərəfindən “insanları sosial mediada zorakılığa təhrik və dəvət etmək”də təqsirləndirilmişdi.
Kərim İsmayılzadə bir müddət əvvəl Urmiya gölündə törədilən ekoloji fəlakət və İran hökumətinin problemə etinasızlığı ilə bağlı çıxışlarından sonra yenidən basqılara məruz qalmışdı.
Azərbaycanlı fəal, ekoloji problemə diqqət cəlb etmək üçün “Urmu və Araz üçün birlik” adı altında kampaniya da başlatmışdı.
Qeyd edək ki, azərbaycanlı idmançı və fəal bu fəaliyyətinə görə 6 ay həbs cəzasına məhkum edilib, bununla yanaşı, Təbriz prokuroru ona daha ağır cəza verilməsini istəyirdi. O, dəfələrlə milli-mədəni fəaliyyətlərinə görə həbs və təzyiqlərlə qarşılaşıb.
