Azərbaycanlı fəal Rəhim Qulamiyə saxta ittihamlar irəli sürüldü

GADTB-nin Mətbuat Mərkəzinə daxil olan məlumata görə, rejimin məhkəməyə çağırdığı azərbaycanlı milli-mədəni fəal, yazıçı və şair Rəhim Qulamiyə yeni saxta ittihamlar irəli sürülüb.

Bunun üçün fəal iyunun 3-də rejimin Ərdəbildə yerləşən İnqilab Məhkəməsinin 1-ci şöbəsinə müraciət etməsi tələb edilmişdir.

Rejimin məhkəməsinin hakimi Xudadadi fəalı “GAMAC Təşkilatında üzv olmaq, rəhbəri təhqir etmək, virtual aləm və iclaslarda həqiqəti olmayan mətləblər yaymaqla sistemin əleyhinə təbliğat aparmaq”da ittiham edib.

Rəhim Qulamı irəli sürülən bütün ittihamları rədd edərək “GAMAC”la bağlı ittihamı rejimin Ərdəbildə yerləşən ETTELAAT İdarəsinin fəallara qarşı qurduğu yeni ssenari adlandırıb.

Qeyd edək ki, Rəhim Qulami “Yaylıq” nəşr evi  tərəfindən çap olunan “Folklorumuzdan bir yarpaq”, “Atalar sözü” və “Folklor nağılları” kitablarının müəllifidir.

Həmçinin yoxlayın

Traxturun xanım tərəfdarları stadiona gələ biləcək

GADTB: Şərqi Azərbaycan əyalətində Traxtur futbol komandasının qadın tərəfdarlarının  stadiona girişinə icazə verilib Bu haqda …

Azərbaycanlı fəal Əhəd Seyfxah zaminə buraxıldı

GADTB: Azərbaycanlı milli fəal Ayaz Seyfxahın qardaşı Əhəd Seyfxah dünən Təbrizin mərkəzi zinanından istintaq prosesinin …

Bir cavab yazın