Azərbaycanlı fəallar Savalana yol çəkilməsinə etiraz olaraq divarlara şüarlar yazdı

GADTB-nin Mətbuat Mərkəzinə daxil olan məlumata görə, Güney Azərbaycanın Ərdəbil şəhərində azərbaycanlı ətraf mühit fəalları Savalan dağında rejim tərəfindən yol çəkilməsinə etiraz olaraq şəhərin divarlarına şüarlar yazıblar.

Azərbaycanlı fəallar şəhərin müxtəlif küçə və məhəllələrinin divarlarına “Savalanı qoruyaq, gələcəyi uşaqlar üçün qurtaraq”, “Savalanı dağıtmağı dayandırın”, “Dağı tərk edin”, “Şovinizmin talan makinası, Savalanı qarət etməyə yox”, “Azərbaycan üçün ədalət”, “Ətraf mühiti dəyişdirməyə yox” və s. şüarlar yazmaqla Savalan dağında irqçi fars rejim tərəfindən yol tikintisinə etiraz ediblər.

Qeyd edək ki, Savalan dağına yolunun tikintisinin ikinci mərhələsinə iyulun 9-da start verilib. Güney Azərbaycanın şəhərləri və kəndlərinə standartlara uyğun yollar inşa etməyən rejim Savalan dağında yol çəkməklə dağın ekologiyasını dağıtmağa çalışır. Bu isə azərbaycanlı fəalların etirazı ilə qarşılaşıb.