Azərbaycanlı fəallar Yusif Həqqi və Hadi Təvəkküli prokurorluqda dindirildilər

GADTB-nin Mətbuat Mərkəzinə daxil olan məlumata görə, Ərdəbil şəhərindən olan fəallar Yusif Həqqi və Hadi Təvəkküli rejimin İnqilab Prokurorluğunun 10-cu istintaq şöbəsində dindiriliblər.

Hər iki fəal “yalan məlumatların yayılmasında iştirak etmək” ittihamına qarşı müdafiə çıxışı ediblər. Dindirildikdən sonra onlar girov müqabilində müvəqqəti olaraq sərbəst buraxılıblar.

Qeyd edək ki, adı çəkilən fəallarla yanaşı Yusif Kari və Tohid Əmirəmini də prokurorluğa çağırılıblar. Yusif Kari və Əmirəmini çağırışın qanunsuz olduğunu bildirərək, dindirilmə prosesində iştirak etməkdən imtina ediblər.