Azərbaycanlı hüquqları müdafiəçisi Azita İskəndəriyyun cərimələndi

Güney Azərbaycanın Zəncan bölgəsindən olan azərbaycanlı hüquq müdafiəçisi Azita Eskandrian “rejim əleyhinə təbliğat”da ittiham edilərək 91 gün həbs cəzası alıb. O, məhkəmə prosesi başa çatana qədər müvəqqəti olaraq zaminə buraxılıb.

Zəncan şəhərinin İnqilab Məhkəməsinin verdiyi qərara əsasən hüquq müdafiəçisinin 3 ay həbs cəzası 4 milyon tümən cərimə cəzasına dəyişdirilib.

Bundan əvvəl Zəncan prokurorluğunun hökmü ilə saxlanılaraq dindirilən hüquq müdafiəçisi “hökumətə qarşı təbliat”da ittiham edilib.

Qeyd edək ki, azərbaycanlı hüquq müdafiəçisifəal bundan əvvəl də bir neçə dəfə dinc fəaliyyətlərinə görə təzyiqlərə məruz qalıb. Azita İskəndəriyyun qadın hüquqlarını müdafiəsi ilə yanaşı, mədəni və ictimai fəaliyyətləri ilə də tanınır.