GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, rejim yaxaladığı azərbaycanlı milli-mədəni fəal və tərcüməçi Ruzbeh Pirini 6 saat yenidən yaxaladqdan sonra sərbəst buraxılıb.
Təbriz sakini olan Ruzbeh Piri iyulun 22-də səhər saatlarında rejimin məmurları tərəfindən ata evində yaxalanmışdı.
Piri saxlandıqdan sonra Təbrizin İnqilab Məhkəməsinin Hökmləri İcra Edən Şöbəsinə göndərilib. Azərbaycanlı fəal həbs müddətini bitirdiyi və səhvən yenidən yaxalandığı üçün rejim onu sərbət buraxmağa məcbur olub.
Qeyd edək ki, Ruzbeh Piri qardaşı Yaşar Piri ilə 2019-cu ilin noyabr ayında İranda benzinin bahalaşdığı ilə bağlı keçirilən etiraz aksiyaları zamanı bir çox azərbaycanlı fəal kimi təhlükəsizlik qüvvələri tərəfindən qanunsuz olaraq yaxalanmışdı.
Azərbaycanlı fəal “sistemin əleyhinə təbliğat aparmaq”da ittiham edilərək, məhkəmə tərəfindən 91 gün həbsə məhkum edilmişdi.
Fəal iyulun 5-də həbs cəzasını bitdikdən sonra sərbəst buraxılmışdı.
