Azərbaycanlı şair və yazıçı Rəhim Qulami zindana qayıtmayacaq

GADTB-nin Mətbuat Mərkəzinə daxil olan məlumata görə, irqçi fars rejimin şərləyib zindana saldığı azərbaycanlı fəal, yazıçı və şair Rəhim Qulami həbs müddətindən az qaldığı üçün zindana qayıtmayacaq.

Bununla bağlı rejimin Məhkəmə Elektron Sistemi tərəfindən azərbaycanlı fəala xəbər göndərilib. Eyni zamanda azərbaycanlı fəal aprelin 4-də rejimin Ərdəbildə Qərarları İcraedən Bölməyə müraciət etdiyi zaman ona məhkumluq müddətinin başa çatdığı bildirmişlər.

Qeyd edək ki, azərbaycanlı fəal və yazıçı koronavirus təhlükəsinə görə martın 12-də Ərdəbil zindanından zaminə buraxılıb. Fəalın 1 illik həbs müddətinin 3 ayı qalmışdır.

Azərbaycanlı fəalın həbsinin başa çatması İran Məhkəmə Sisteminin son dövrlərdə çıxardığı qərarla bağlıdır. Həmin qərarda bildirilir ki, 5 ildən az həbs cəzası olan siyasi məhbuslar həbs müddətinin üçdə birini çəkdiyi halda sərbəst buraxıla bilər.