GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, erməni diasporu qondarma Qarabağ rejiminin tanıdılması istiqamətində siyasi təxribatları ilə yanaşı, mədəni təxribatlarını da davam etdirir. Daha bir təxribat isə İspaniyanın Barselona şəhərindən gəlib.
Bu barədə məlumatı diaspor üzrə araşdırmaçı jurnalist Elnur Eltürk verib.
“Erməni diasporu mart ayının 31-də qondarma “artsax” adı altında Barselona şəhərində konsert təşkil edəcək. Bu, erməni diasporunun təxribatıdır. Məqsəd ispan cəmiyyətini çaşdırmaq və diqqəti qondarma rejimə yönəltməkdir”, – o bildirib.
Belə bir tədbirin isə martın 31-də keçirilməsi təsadüf sayılan bilməz. Ermənilərin Azərbaycana qarşı növbəti təxribatının 31 mart Azərbaycanlıların Soyqırım Günündə keçirilməsi onların çirkin niyyətlərini bir daha nümayiş etdirir.
