Azərbaycanlı fəal İsrafil Fətullahzadə yenidən Əhər zindanına qaytarıldı

GADTB-nin Mətbuat Mərkəzinə daxil olan məlumata görə, azərbaycanlı fəal məzuniyyət dövrünün bitdiyi üçün rejimin Əhərdə yerləşən zindanına geri dönüb.

Azərbaycanlı fəal İsrafil Fətullahzadə mayın 14-ü, axşam saatlarında məzuniyyət müddətinin bitdiyi üçün Əhər zindanıına qaytarılıb.

Fəal aprelin 24-də 100 milyon tümənlik girov qarşılığında 20 günlük məzuniyyətə buraxılmışdı.

Qeyd edək ki, İsrafil Fətullahzadə yanvar ayının 30-da 7 aylıq həbs cəzasını çəkmək üçün rejimin məmurları tərəfindən Əhərdə həbs edilmişdi. Onun Azərbaycan türklərinin “Fitilə” proqramında təhqir edilməsinə etiraz ilə bağlı həbsə məhkum edildiyi bildirilir.

İsrafil Fətullahzadə ondan öncə, 20 fevral 2014-cu ildə “Beynəlxalq Ana Dili” günü münasibətilə keçirilən tədbirlərə qatıldığına görə İran təhlükəsizlik məmurları tərəfindən yaxalanmışdı.