GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fara rejimin ana dili uğrunda fəaliyyətinə görə həbs etdiyi azərbaycanlı milli-mədəni fəal Kiyanuş Aslani məzuniyyəti bitdikdən sonra yenidən zindana qaytarıldı.
Azərbaycanlı fəal məzuniyyət müddətinin bitdiyinə görə dünən mayın 15-i axşam saatlarında Tehranın Evin hzindanına qaytarılıb.
Kiyanuş Aslani aprelin 21-də 350 milyon tümənlik girov qarşılığında məzuniyyətə buraxılmışdı.
Qeyd edək ki, azərbaycanlı fəal Kiyanuş Aslani, Tövhid Əmir Əmini ilə birlikdə 2019-cu il fevralın 20-də Beynəlxalq Ana Dili Günü münasibəti ilə Tehranda poster payladıqları üçün irqçi fars rejimin təhlükəsizlik qüvvələri tərəfindən yaxalanmışdır.
Tehran Apellyasiya Məhkəməsinin 36-cı şöbəsi Tövhid Əmir Əminiyə “Sistem əleyhinə təbliğat aparmaq” ittihamından bəraət verib, lakin digər ittihamı ilə bağlı çıxarılan həbs qərarını olduğu kimi qüvvədə saxlayıb. Fəallar brilikdə 12 il yarım azadlıqdan məhrum edilib.
Tövhid Əmir Əmini 7.5 il, Kiyanuş Aslani isə 5 il həbsə məhkum edilib.
Bundan əlavə, Kiyanuş Aslani 2 il müddətinə bütün qruplara üzv olmaq hüququndan məhrum edilib.
