GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, 3 həftədir ki, iğtişaşların fasilə vermədiyi Bəsrə vilayətinin şurası İraq mərkəzi hökumətindən muxtar idarəçilik istəyəcək. Bu sözləri şuranın nümayəndəsi Vəlid Kaytan deyib.
O, bununla bağlı deputat səslərinin yığıldığını bildirib:
“15 deputat regionun muxtariyyəti ilə bağlı tələb irəli sürüb. Qanuna görə isə bunun üçün sadəcə 12 səs lazımdır. Şura Nazirlər Kabinetinin yaradılması ilə bağlı məktub ünvanlayacaq və 15 gün sonra Seçki Komissiyasının yaradılmasını istəyəcək. 3 ay müddətində də referendumun vaxtı təyin ediləcək”.
Kaytan həlledici qərarın yerli sakinlər tərəfindən veriləcəyini deyib.
Qeyd edək ki, Bəsrə də daxil olmaqla bir sıra iri şəhərlərdə kütləvi aksiyalar səngimir.
Sonrada iğtişaşa çevrilən aksiyalarda xeyli ölənlərin olduğu məlumdur.
İraqda ikinci ən böyük etnik qrup olan türkmənlər isə kürdlərin və İraq dövlətinin hələ də zülmünə dözərək öz müqəddəratını təyin etməyə cəhd göstərmir. Ona görə də ərazisi bir tərəfdən kürdləşdirilir, digər tərəfdən isə ərəbləşdirilərək məhv edilir.
