Cümə , Noyabr 20 2026
azfa

“Bayraktar TB-2”nin Qarabağ uğurunu müşahidə edən ABŞ öz döyüş taktikasını dəyişir

GADTB-nin Mətbuat Mərkəzinə daxil olan məlumata görə, “Bayraktar TB-2”nin Qarabağ uğurunu müşahidə edən ABŞ öz döyüş taktikasını dəyişəcəyi ilə bağlı “Foreign Policy” jurnalında dərc olunan məqalədən bəzi yarımbaşlıqları təqdim edirik…

Türkiyənin inkişaf etdirdiyi “Bayraktar TB-2” silahlı pilotsuz uçan aparatların müvəffəqiyyəti və ölkələri döyüş taktikalarını dəyişdirməyi düşündürməsi Amerika Birləşmiş Ştatları ordusunu da bu baxımdan yeni axtarışlara yönəldib. 

 “Foreign Policy” jurnalında dərc olunan məqalədən bəzi yarımbaşlıqları təqdim edirik: “Dağlıq Qarabağda silahlı pilotsuz uçan aparatları Ermənistanın hava müdafiə sistemləri və ağır zirehli qüvvələrini zərərsizləşdirdi. Artıq inkişaf etmiş ölkələr funksiyasız qalan döyüş taktikalarını yenidən qurmaq məcburiyyətindədir.

ABŞ ordusu daha Çin kimi rəqiblərə qarşı hava üstünlüyündən faydalana bilməz.

Aşağı gəlirli ölkələr silahlı pilotsuz uçan aparatlara bənzər az xərcli vasitələrlə çox sayda düşmən əsgəri öldürməyə qadirdir. 

ABŞ-ın müdafiə naziri olmuş Mark Esperin söylədiklərinə görə, Amerika müdafiə sənayeçiləri sükansız gəmilər hazırlamaq üçün araşdırma aparır və mühəndislik sahəsinə sərmayələrini artırmağa başlayıblar. Donanma və dəniz piyadası komandanlıqları insansız sistemlərin istifadəsi üçün yol xəritəsi düzəldiblər.

ABŞ ordusu Asimmetrik Hərbi Qrupunun başçısı olmuş polkovnik Skot Şoy (Scott Shaw) isə pilotsuz uçan aparatları “hava tankları” ifadəsi ilə qarşılaşdırıb və deyib: “Dağıdıcı zərbə vura bilən uçan zirehli aparatların məhv edilməsi çətinləşdikcə yerdəki əsgərlərin öldürülməsi daha da asanlaşır və döyüş meydanı qarovulu ucuzlaşır”.

Dağlıq Qarabağ müharibəsinin görüntülərini saatlarla araşdırdıqdan sonra ABŞ ordusu silahlı pilotsuz uçan aparatlarla bağlı təlimləri artırmağı qərara alıb”.

Həmçinin yoxlayın

Əhməd Vəhidi: “Xameneyinin qisasını almaq bizim haqqımızdır”

GADTB: Bu gün terror təşkilatı olan SEPAH-ın baş komandanı Əhməd Vəhidi İslam Respublikasının keçmiş rəhbəri …

ABŞ və İsrail İrana qarşı yeni hərbi hücumu nəzərdən keçirir

GADTB: CBS News telekanalı noyabrın 20-də, cümə günü məlumatlı mənbələrə istinadən xəbər verib ki, ABŞ …