GADTB Güney Azərbaycan Demokratik Türk Birliyi
GADTB: Azərbaycanlı fəal Behzad Dəşti 1404-cü ilin Azər ayının 26-sı axşam saatlarında 7 milyard tümən məbləğində girov qoymaqla Tehranın Evin həbsxanasında yerləşən Təhlükəsizlik Nazirliyinin 209-cu təcridxanasından müvəqqəti olaraq azad edilib. Onun azadlığı məhkəmə araşdırması başa çatanadək qüvvədədir.
H’min azərbaycanlı fəalın ailəsinə yaxın mənbələrin bildirdiyinə görə, Behzad Dəştəyə qarşı irəli sürülən ittihamlar “qanunsuz qrupa üzvlük”, “ölkə təhlükəsizliyinə qarşı toplantı və əlbir olma” və “ictimai asayişin pozulması” maddələrini əhatə edir.
Yaxınlarının sözlərinə görə, iş üzrə istintaq aparan müstəntiq həbs-qətimkan tədbirini girovla əvəz edərək Behzad Dəştinin müvəqqəti azadlığa buraxılmasına şərait yaradıb.
Qeyd edək ki, Behzad Dəşti Abbas Lisanı, Əli Xeyircu və Yusif Karı ilə birlikdə 1404-cü ilin Aban ayının 20-də Evin həbsxanasının qarşısında saxlanılmışdı. Mövcud məlumatlara əsasən, adı çəkilən digər üç azərbaycanlı fəal hələ də Təhlükəsizlik Nazirliyinin 209-cu təcridxanasında müvəqqəti həbs qərarı ilə saxlanılır.
