Beynəlxalq İnstitut: “İran əsas obyektlərdə nüvə fəaliyyətini davam etdirir”

GADTB: Beynəlxalq Elm və Təhlükəsizlik İnstitutunun yeni hesabatına görə, 12 günlük müharibədə infrastrukturun ciddi zədələnməsinə baxmayaraq, İranın Kuh-e Kələng və Taleqan 2 kimi əsas nüvə obyektlərində işi bərpa edir və təhlükəsizlik sistemlərini gücləndirir.

Peyk görüntüləri və beynəlxalq qurumların məlumatları göstərir ki, Tehran xüsusilə Kələngdə dərin işləri davam etdirir. Hesabatda Taleqan 2-də “yüksək partlayıcı maddələr üçün silindrik saxlama kamerası” tikintisi də qeyd olunur və bunun nüvə silahları ilə əlaqəli strukturlara bənzədiyi bildirilir.

İsfahan Nüvə Kompleksinin şimal tunel girişində də son görüntülər aktivliyin artdığını göstərir./ Azad İran