GADTB Güney Azərbaycan Demokratik Türk Birliyi
GADTB: Ümumdünya Ölüm Cəzasına Qarşı Mübarizə Günü ərəfəsində BMT-nin insan hüquqları üzrə ekspertlər qrupu İran hakimiyyətini bütün edamları dərhal dayandırmağa çağırıb. Ekspertlərin bildirdiyinə görə, İran adambaşına düşən edam sayına görə dünyada ilk yerdədir və qlobal miqyasda ölüm hökmlərinin artmasına təsir edən əsas ölkələrdən biridir.
Ekspertlər 2026-cı ilin yanvarında təhlükəsizlik qüvvələrinin minlərlə etirazçını öldürməsi ilə bağlı məlumatlara da diqqət çəkiblər. Onlar vurğulayıblar ki, etirazlar zamanı saxlanılan şəxslər, onlara qarşı irəli sürülən ittihamlardan asılı olmayaraq, edam edilməməlidir.
İranda ölüm cəzası ilə bağlı işlərdə ciddi insan hüquqları pozuntularının qeydə alındığı bildirilir. Bunlara işgəncə, məcburi etirafların alınması, şəxslərin məcburi yoxa çıxarılması, cinsi zorakılıq və hüquqi müdafiəyə çıxışın məhdudlaşdırılması daxildir.
