BMT irqçi fars-molla rejimin qətliam törətməsini pisləmə barədə qətnamə qəbul edib

GADTB: BMT-nin İnsan Hüquqları Şurası təcili iclasda İranda ümumölkə etirazlarının zorakılıqla yatırılmasını pisləyən və ölkədə insan hüquqlarının pozulması üzrə BMT-nin Müstəqil Fakt Araşdırma Missiyasının mandatını daha iki il uzadan yeni bir qətnamə qəbul etdi. İranda insan hüquqlarının vəziyyəti üzrə Xüsusi Məruzəçinin mandatı da daha bir il uzadıldı.

Səsvermə zamanı Kuba, Pakistan, Misir və Çin qətnamənin əleyhinə çıxıb. Qətnamə 25 lehinə, 7 əleyhinə və 14 bitərəf səslə qəbul edilib.

Sənədə əsasən, İranda insan hüquqlarının pozulması üzrə BMT-nin Müstəqil Fakt Araşdırma Missiyasının mandatı daha iki il, ölkə üzrə İnsan Hüquqları üzrə Xüsusi Məruzəçinin mandatı isə bir il müddətinə uzadılıb.

Qətnamədə İranda insan hüquqlarının vəziyyəti “dərin narahatlıq doğuran” kimi qiymətləndirilib. Xüsusilə son etirazların yatırılması zamanı dinc nümayişçilərin, o cümlədən qadın və uşaqların öldürülməsi, çoxsaylı yaralanmalar və minlərlə insanın özbaşına saxlanması qeyd olunub.