GADTB Güney Azərbaycan Demokratik Türk Birliyi
GADTB: Böyük Britaniyanın Maliyyə Sanksiyalarının İcrası İdarəsinin rəhbəri Qaylz Tomson “Financial Times” qəzetinə müsahibəsində bildirib ki, qurum qanunsuz şəkildə İranla ticarət aparmış şirkətlərə qarşı cərimələrin tətbiqi imkanını nəzərdən keçirir.
Onun sözlərinə görə, son aylarda İranla bağlı sanksiyaların əhatə dairəsi genişləndirilib və Maliyyə Sanksiyalarının İcrası İdarəsi mümkün sanksiya pozuntularına dair işləri getdikcə daha fəal araşdırır.
Qaylz Tomson qeyd edib ki, bu addımlar İrana qarşı maliyyə sanksiyalarının daha effektiv icrasını təmin etmək və onların pozulması halları ilə mübarizəni gücləndirmək məqsədi daşıyır.
O, hazırda araşdırılan şirkətlərin adlarını və mümkün cərimələrin nə vaxt tətbiq olunacağı barədə əlavə məlumat verməyib.
