GADTB Güney Azərbaycan Demokratik Türk Birliyi
GADTB: ABŞ Mərkəzi Komandanlığı (CENTCOM) bildirib ki, ABŞ ordusu may ayının əvvəlindən indiyədək Hörmüz boğazından keçən və ümumilikdə 600 milyondan çox barrel xam neft daşıyan təxminən 1 300 ticarət gəmisinə yardım edib.
CENTCOM sözçüsü Tim Hokins bildirib ki, Hörmüz boğazında kommersiya gəmiçiliyi üçün bir neçə marşrut «açıq və təhlükəsiz» vəziyyətdədir. Onun sözlərinə görə, ABŞ qüvvələri bu marşrutların genişləndirilməsi məqsədilə mina təmizləmə əməliyyatlarını davam etdirir.
CENTCOM «Axios» nəşrinin boğazın cənub hissəsində, Oman sahillərinə yaxın ərazidə yeni gəmiçilik marşrutunun yaradılması barədə məlumatına münasibət bildirməyib. «Axios»un məlumatına görə, hər gecə təxminən 15-20 neft tankeri bu marşrutdan keçir.
CENTCOM həmçinin açıqlayıb ki, 28 məhərrəmə qədər ABŞ qüvvələri İran rejimi ilə əlaqəli 65 ticarət gəmisinin marşrutunu dəyişdirib, üç gəmini fəaliyyətdən çıxarıb və qaydalara əməl olunmasını yoxlamaq məqsədilə iki gəmiyə daxil olub.
