GADTB-nin Mətbuat Mərkəzinə daxil olan məlumata görə, Əhər şəhərində azər ayının 28-də Əhər Ədəbi Dərnəyinin şeir gecəsi keçirilib. Əhərin ədəbi və mədəni fəalları tərəfindən bu şəhərin Ümumi Kitabxanasının zalında keçirilən mərasimdə çillə gecəsinin gəlişi münasibətilə aşıq Səyyad tərəfindən Koroğlu mahnısı səsləndirilib. Həmçinin şairlər şeir oxuyub, ədəbi dərnəyin üzvləri isə çillə gecəsi ilə bağlı çıxış etmişlər.
Qeyd edək ki, çillə gücəsi Azərbaycan türklərinin qədim adət-ənənələrindən biridir və Azərbaycanın müxtəlif şəhər və məntəqələrində qeyd edilir.