GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Çin uyğur türkləri ilə yanaşı düşərgələrə həbs etdiyi qazax türklərini Şərqi Türküstanda ana vətənlərini çinlilərə verib Qazaxıstana köçməyə məcbur etdi.
Qazaxıstanın xarici işlər nazirinin müavininin verdiyi məlumata görə, Çin dövləti Şərqi Türküstan və ya Uyğur Muxtar Bölgəsində “yenidən təhsil” adı altında əritmə və məhvetmə düşərgələrində saxlanılan qazaxların ana yurdlarından Qazaxıstana köçmələrinə icazə verib.
2 min nəfər qazax türkü Çin vətəndaşlığını atıb Qazaxıstana köçəcəklər.
Hələlik çinli səlahiyyətlilər bu mövzu barədə açıqlama verməyiblər.
Qeyd edək ki, Çin Şərqi Türküstanı II Dünya müharibəsi dövründə işğal edib və həmin dövrdən uyğur türkləri niməhv etməklə məşğuldur. Son dövrlərdə isə 3 milyondan çox uyğur türkünü düşərgələrdə həbs edərək əritmə və məhvetmə siyasətini kəskinləşdirib.
