Ermənilər saxta xəritə ilə Azərbaycanla sərhədi müəyyənləşdirməyə çalışırlar

GADTB-nin Mətbuat Mərkəzinə daxil olan məlumata görə, Ermənistan sərhədlərin müəyyənləşdirilməsi işlərini özlərinə sərf edən xəritə ilə aparmağı planlaşdırır.

Ermənistan KİV-i xəbər verir ki, Milli Elmlər Akademiyasının fəxri doktoru, kartoqraf Ruben Qalçyan Azərbaycanla Ermənistan arasında demarkasiya işlərinin guya 1926-cı ildə hazırlanmış saxta xəritə əsasında aparmağı təklif edib.

“Ermənistan üçün minimal ərazi itkiləri yalnız 1926-cı ilin xəritəsinə görə mümkündür. Ermənistan SSR-nin 1926-cı ildə hazırladığı xəritə maraqlarımıza tam cavab verir”-deyə kartoqraf söyləyib.

Xatırladaq ki, Qalçyanın təklif etdiyi xəritə Azərbaycan və Rusiya arxivlərində mövcud deyil və saxta hesab edilir.