Evin zindanında həbsd olan üç azərbaycanlı siyasi məhbus da aclıq aksiyasına qoşuldu

GADTB-nin Mətbuat Mərkəzinə daxil olan məlumata görə, irqçi fars rejimin təzyiqlərinə görə Ərdəbildə zindanda aclıq aksiyası keçirən Abbas Lisaniyə dəstək məqsədilə Evin zindanında həbsdə olan 3 azərbaycanlı siyasi məhbus da aclıq aksiyasına qoşuldu.

İyunun 14-ü səhər saatlarından Tehranın Evin zindanında saxlanılan daha 3 Güney azərbaycanlı siyasi məhbus Siyamək Mirzayi, Behnam Şeyxi və Kiyanuş Aslani aclıq aksiyasına başlayıblar.

Beləliklə rejimin Ərdəbil və Tehranda yerləşən zindanlarında aclıq aksiyası keçirənlərin sayı 8 nəfərə çatıb.

Qeyd edək ki, irqçi fars rejimin təzyiqlərinə etiraz olaraq iyunun 12-dən Abbas Lisani aclıq aksiyasına başlayıb. Onun ardında həmin siyasi məhbusa dəstək məqsədilə Yusif Kari aclıq aksiyasına başlayıb. Abbas Lisani iyunun 13-ü səhər saatlarından da quru aclıq aksiyasına başlayıb.

Həmin azərbaycanlı siyasi məhbuslara dəstək üçün iyunun 13-də Ərdəbil zindanında həbsdə saxlanılan daha üç azərbaycanlı siyasi məhbus, Mehrdad Şeyxi, Əli Vasiqi və Rza Vasiqi  də aaclıq aksiyasına qoşulub.

Bu gün isə Evin zindanında həbsdə olan azərbaycanlı siyasi məhbuslar Abbas Lisaniyə dəstək məqsədilə aclıq aksiyasına başlayıb.

Həmçinin yoxlayın

Traxturun xanım tərəfdarları stadiona gələ biləcək

GADTB: Şərqi Azərbaycan əyalətində Traxtur futbol komandasının qadın tərəfdarlarının  stadiona girişinə icazə verilib Bu haqda …

Azərbaycanlı fəal Əhəd Seyfxah zaminə buraxıldı

GADTB: Azərbaycanlı milli fəal Ayaz Seyfxahın qardaşı Əhəd Seyfxah dünən Təbrizin mərkəzi zinanından istintaq prosesinin …