GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycan Demokratik Türk Birliyi (GADTB) başqanı sayın Əjdər bəy Tağızadə Laçının və ətraf kəndlərinin erməni işğalından azad olunması münasibətilə Azərbaycan prezidenti, Azərbaycan türk milləti və dünya türklərini təbrik edib.
Sayın Əjdər bəyin təbrik mesajında deyilir ki, Ali Baş Komandanın qətiyyəti və şanlı Azərbaycan ordusunun igidliyi nəticəsində işğalçı Ermənistan təslim olmağa məcbur qaldı. Nəticədə erməni işğalında olan Laçın rayonu artıq bu gün azad edilib və müzəffər Azərbaycan ordusu həmin Azərbaycan ərazilərinə daxil olub.
GADTB olaraq ölkəmiz Azərbaycanın bu qələbəsini sevinclə qarşılayıb, bu münasibətlə Azərbaycan prezidenti, Azərbaycan türk milləti və Türk Dünyasını təbrik edirik.
Yaşasın Azərbaycan ordusu!
Qarabağ Azərbaycandır!
Əjdər Tağızadə
Güney Azərbaycan Demokratik Türk Birliyi (GADTB) başqanı
