GADTB Güney Azərbaycan Demokratik Türk Birliyi
GADTB-nın məlumatına görə Güney Azərbaycanın müxtəlif şəhərlərində azərbaycanlılar ana dilində təhsil tələbini şəhərin müxtəlif yerlərinə şüarlar yazmaqla İran hakimiyyətinə çatdırıblar. Ərdəbil və Mərənd şəhərinin divarlarına “Türk dilində mədrəsə”, “mən türkəm”, “15-ci əsl icra olunsun” “Urmu gölü can verir”, “Oyan Azərbaycan” və s. şüarların yazılması mətbuatda öz əksini tapıb.
Qeyd edək ki, fars rejimi Azərbaycan türklərini ən ilkin və ibtidai hüquqları yəni ana dilində təhsil haqqından məhrum etdiyi üçün davamlı olaraq azərbaycanlı milli-mədəni fəallar müxtəlif mərasimlərdə ana dilində təhsil və digər şüarlar səsləndirib, bəzən də eyni tələblə divarlara şüarlar yazmaqla öz tələblərini hakimiyyətə çatdırırlar.
