GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil lan məlumata görə, Güney Azərbaycanın Şərqi və Qərbi Azərbaycan, Ədəbil, Həmədan və Mərkəzi əyalətlərinin Rabitə sahəsindən işləyib və hazırda təqaüdə çıxmış təqaüdçülər öz yaşadıqları şəhərlərdə etiraz aksiyası keçiriblər.
Azərbaycanlı təqaüdçülər pensiyalarının artırılmamasına, vaxtında ödənilməməsinə və qanunla nəzərdə tutulmuş başqa haqlarının pozulmasına etirazlarını bildiriblər.
Etirazçılar inflyasiya ilə gəlirlərin uyğun olmadığını, çoxsaylı məişət problemləri ilə üzləşdiklərini və hakimiyyətin laqeyd münasibətini tənqid ediblər.
Qeyd edək ki, son illər tez-tez pensiyaçılar ağır iqtisadi və sosial vəziyyətləri ilə bağlı etiraz aksiyası keçirirlər.
