Güney Azərbaycanda siyasi məhbuslara azadlıq tələbilə Twitterdə kompaniya başladılıb

GADTB-nin Mətbuat Mərkəzinə daxil olan məlumata görə, Güney Azərbaycandan olan sosial şəbəkə istifadəçiləri İran məhkəmə sisteminin azərbaycanlı siyasi məhbusların həyatını təhlükəyə atan ayrıseçkilik siyasətlərinə etiraz olaraq Twitterdə kompaniya başladıblar.

Artıq “Korono_Milli_Məhbuslari” həştəgı ilə minlərlə “Twit”in paylaşılıb. Həmin “Twitter” fırtınasında İran məhkəmə orqanlarından müxtəlif zindanlarda bütün hüquqlarından məhrum edilmiş və koronovirus təhlükəsi ilə qarşılaşan azərbaycanlı siyasi məhbusları tibbi məzuniyyətə göndərmək istənilib.

Qeyd edək ki, son günlərdə rejimin Ərdəbildəki zindanında həbsdə olan azərbaycanlı siyasi məhbusların koronavirusa yoluxduğu və onların həyatına təhlükə yarandığı bildirilir. Belə ağır vəziyyətdə isə irqçi fars rejim azərbaycanlı siyasi məhbusları məzuniyyətə buraxmır.