GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanda yerləşən tarixi Zunuzağ kəndini əhalisi travertin mədəninin işlənməsi adı altında kəndin dağıdılmasına etiraz edir.
Əhali hər gün mədənin önünə toplaşaraq şirkətin fəaliyyətinin dayandırılmasını tələb edir. Əhali kənd təsərrüfatı üçün böyük əhəmiyyət kəsb edən ərazidəki bulağın şirkətin fəaliyyəti nəticəsində zəhərlənməsindən narahatdırlar.
Qeyd edək ki, mədəni işləyən şirkət travertin mədənində ötən illərdə fəaliyyətə başlayıb və bir müddət sonra isə işlər dayandırılıb. Mədəndə iş getdiyi zaman kənd təsərrüfatında istifadə olunan su çirkləndiyi üçün kənd əhalisinin kəskin etirazı ilə qarşılanmışdır.
Mədəndə bu il iyunun 9-da işlərə yenidən başlanılıb. Bundan sonra yerli əhali etiraza başlayıb.
Zenuzağ kəndinin yaxınlığında yerləşən bulaq uzun illərdir ki, əkinçilik və bağbanlıqda istifadə olunan suyun yeganə mənbəyidir. Mədənin işlənməsi ilə kəndin su resursunun zəhərlənməsi bildirilir.
