GADTB Güney Azərbaycan Demokratik Türk Birliyi
GADTB: Güney azərbaycandan olan vəkil Məcid Pejumanın cəsədi Qərbi Azərbaycan əyalətindəki Həsənlu bəndi ətrafında aşkar edilib.
Məlumata görə, Sulduz bölgəsindən olan gənc vəkil ov tüfəngindən açılan atəş nəticəsində həyatını itirib. Hadisənin başvermə şəraiti və motivləri ilə bağlı polis tərəfindən araşdırma aparılır.
Pejuman şəhərdən kənarda naməlum şəxs və ya şəxslərin silahlı hücumuna məruz qalıb. Hadisə ilə bağlı istintaq davam edir.
Qərbi Azərbaycan əyalətinin Ədliyyə İdarəsinin rəisi Nəsir Ətəbati cinayəti törədənlərin müəyyən edilərək saxlanılması üçün müvafiq qurumlara göstəriş verildiyini bildirib.
Mərhum vəkillik təcrübəçisi olub və təxminən üç ay əvvəl təcrübə müddətini başa vuraraq rəsmi vəkillik fəaliyyətinə başlamışdı.
