GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Güney Azərbaycanın Qəzvin şəhərində əczaçılıq və gigiyenik qablar istehsal edən Arapuş Qostər Şirkətinin işçiləri kütləvi şəkildə işdən çıxarılıb. İşçilərin hüquqları təmin olunmadan işdən çıxarıldığı bildirilir.
Çoxunun qadınlardan ibarət olan işçilər sosial şəbəkələrdə yaydıqları məlumatda bildiriblər ki, şirkət rəhbərliyi onların əmək haqlarını ödəmədən və heç bir əsas olmadan onları işdən çıxarıb.
İşçilərin bildiriblər ki, bir neçə ay bundan öncədən ödənilməyən əmək haqları ilə yanaşı, qanunla nəzərdə tutulan bayramlıq və başqa ödənişlərin də ödənilməsi dayandırılıb.
Bildirilir ki, son aylar tətil günləri də daxil olmaqla gündəlik 12 saat işləyən işçilər əmək haqlarını ala bilməyiblər. Onların etiraz və müraciətləri də rəhbərlik tərəfindən nəzərə alınmayıb.
