Güney Azərbaycanın Qəzvin bölgəsindən olan xanım fəalın həyatı təhlükədədir

GADTB: Həbsdə olan qəzvinli ictimai fəal Suri Babai Çegininin vəziyyəti barədə məlumat əldə etmək mümkün olmur.

Onun ailəsi 6 yanvarda etiraz aksiyasında iştirak etdiyinə görə ağır şəkildə döyülərək həbs olunan xanım fəalın həyatından nigərandırlar.

“Suri Babai Çegini həbs olunduqdan iki gün sonra təhlükəsizlik təcridxanasından Qəzvinin Çubindər həbsxanasına köçürülüb və o gündən bu yana ağır yaralı olan məhbusun ailəsi və vəkillə əlaqə saxlamasına icazə verilmyib. Bu da, onun sağlamlığı barədə şübhə və nigəranlığın artmasına səbəb olub”,- məlumatda bildirilib.

Qeyd edək ki, qəzvinli fəal bundan əvvəl də məcburi hicaba qarşı çıxdıına görə həbs edilib.