GADTB Güney Azərbaycan Demokratik Türk Birliyi
GADTB: Azərbaycanlı fəal Rəhman Azər Mirad 37 gün davam edən saxlanmadan sonra Təbriz Mərkəzi Həbsxanasından azad edilib. O, 700 milyon tümən məbləğində girov qoymaqla, “rejim əleyhinə təbliğat” və “ictimai fikri çaşdırma” ittihamları əsasında məhkəmə prosesi başa çatanadək müvəqqəti olaraq azadlığa buraxılıb.
Məlumata görə, Rəhman Azər Mirad 1404-cü il 14 dey tarixində bazar günü şəxsi mənzilində Kəşfiyyat Nazirliyinin əməkdaşları tərəfindən saxlanılmışdı. Bildirilir ki, təhlükəsizlik qüvvələri məhkəmə qərarı təqdim etmədən evə daxil olub və onu fiziki zorakılıqla saxlayıblar.
Qeyd olunur ki, bu azərbaycanlı fəal daha əvvəl də Kəşfiyyat Nazirliyi, SEPAH-ın kəşfiyyat qurumu və hüquq-mühafizə orqanları tərəfindən dəfələrlə saxlanılma ilə üzləşib.
