GADTB Güney Azərbaycan Demokratik Türk Birliyi
GADTB-nin Mətbuat Mərkəzinin əldə etdiyi məlumata görə, iki şəhərin qardaşlaşmasına səbəb bu şəhərlərin ortaq mədəni dəyərləri, Xoyda Şəms Təbrizinin məqbərəsinin olması, Konyada isə Mövlananın məqbərəsinin olmasıdır. Bu sözləri Qərbi Azərbaycanın Mədəni İrs, Əl Sənayesi və Turizm İdarəsinin direktoru Cəlil Cəbbarı deyib.
Onun sözlərinə görə, bu qərar Türkiyə ilə İran adlanan ölkənin mədəniyyət nazirlərinin görüşündə verilib. Xoy və Konya şəhərlərinin qardaşlaşmasına dair layihənin isə Xoyun Şəhər Şurasına göndərildiyi qeyd edilir.
Xoy şəhəri ilə Konya şəhərinin qardaş şəhər elan olması üçün ilk addımların hələ 2008-ci ildə Xoyla Konya arasında mədəni və dostluq körpüsü mərasiminin keçirilməsi və Mövlananın 22-ci nəvəsi Əsin Çələbinin Şəmsin məqbərəsində Xoyun fəxri vətəndaşı seçilməsi dövrünə təsadüf etdiyi bildirilir.
