Bazar ertəsi , İyul 7 2025
azfa

Gürcüstanda azərbaycanlılar etiraz aksiyası keçirəcək

GADTB-nin Mətbuat Mərkəzinə daxil olan məlumata görə, Gürcüstanda yaşayan azərbaycanlılar Tiflisdə etiraz aksiyası keçirəcək.

Aksiya fevralın 5-də, saat 12:00-da Gürcüstan Parlamentinin qarşısında start götürəcək.

Etirazlara səbəb isə Axalkalaki bölgəsində Abxaziya və I Qarabağ Müharibəsində fəal şəkildə iştirak edən Mixail Avaqyana abidə qoyulmasıdır.

Aksiyada “Təxribatçılar, əlinizi Gürcüstan-Azərbaycan dostluğundan çəkin!”, “Seperatçı Mixail Avaqyanın büstü götürülsün!”, “Gürcüstan-Azərbaycan dostluğu sarsılmazdır, əbədidir!”, “Gürcüstan və Azərbaycanın ərazi bütövlüyü müzakirə predmeti deyil!”, “Separatçılığa və separatçılara YOX!” şüarlarının səsləndirilməsi nəzərdə tutulub.

Qeyd edək ki, 20 yanvar 2019-cu ildə Gürcüstanın Axalkalaki rayonunun Buqaşen kəndində Abxaziya və Qarabağın işğalında iştirak etmiş, Xocalı Soyqırımını törədən cinayətkarlardan olan separatçı Mixail Avaqyana abidə ucaldılıb. Bu, Azərbaycan ətərfinin sərt reaksiyasına səbəb olub. Xarici İşlər Nazirliyi Gürcüstana nota göndərsə də, heykəl yerindən götürülməyib.

 

Həmçinin yoxlayın

Ərdoğan DEM Partiya heyəti ilə PKK-nın tərksilah edilməsini müzakirə edir

GADTB: Türkiyə Prezidenti Rəcəb Tayyib Ərdoğan Ankarada DEM Partiya heyətini qəbul edib. Görüşün gündəmində əsas …

İran Futbol Federasiyası “Traxtur” Klubuni cəzalanırıb

GADTB: İran Futbol Federasiyasının Apellyasiya Komissiyası yeni mövsümdə “Traxtur” komandasının Təbrizdə keçirilməsi planlaşdırılan oyununu ləğv …

Bir cavab yazın