GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, Yanvarın 4-də İran adlanan ölkənin təhlükəsizlik qüvvələri tərəfindən Xoy şəhərində həbs edilən Şəhriyar Güləvaninin vəziyyətindən heç bir məlumat yoxdur.
Güney Azərbaycandan olan sənətçinin ailə üzvləri Xoy şəhərinin Zindan və ETTELAAT İdarələrinə müraciət edərək Şəhriyar Güləvaninin vəziyyəti barədə məlumat almaq istəmişlər. Lakin onlara heç bir məlumat verilməyib.
Xoylu yazıçı Şəhriyar Güləvaninin harada saxlanıldığı və vəziyyəti barədə heç bir məlumat yoxdur.
Qeyd edək ki, Güləvani “Evrin”, “Aydın səhər”, “Günəbaxan” və s. Azərbaycan sayt və nəşrləri, eləcə də bir sıra mədəni müəssisələrlə əməkdaşlıq edib. Azərbaycanlı yazıçının həbsinin 2017-ci il dekabr ayının 31-də Xoyda fars rejiminə qarşı keçirilən etiraz aksiyaları ilə bağlı olduğu xəbər verilir. Şəhriyar Güləvani Xoy şəhərinin mədəni mühitində tanınmış simalardandır və 2017-ci il üzrə Nobel mükafatının qalibi Doris Lessingin “Tuneldən keçid” kitabını fars dilinə tərcümə edib.
