İlham Əliyev: “TRIPP layihəsinin icrasına artıq başlanılıb”

GADTB: Üç gün əvvəl – avqustun 8-də Prezident Trampla söhbət zamanı bu məsələyə də toxunuldu və hər iki tərəf bu mühüm nəqliyyat layihəsinin yaxın zamanlarda reallaşacağına əminliyini ifadə etdi”, — deyə Azərbaycan Prezidenti İlham Əliyev Naxçıvanda Azərbaycan Dövlət Televiziyasına verdiyi müsahibəsində bildirib.

Dövlət başçısı həmçinin qeyd edib ki, Zəngəzur dəhlizinin yaradılması Bakının təşəbbüsü olub.

Azərbaycan liderinin sözlərinə görə, ölkənin əsas ərazisini onun ayrılmaz hissəsi olan Naxçıvanla birləşdirmək ölkənin məqsədlərindən biri idi.

 O bildirib ki, Azərbaycan bu məqsədə doğru inamla irəliləyib və artıq ona yaxınlaşıb.

Bununla yanaşı, Prezident bəyan edib ki, İkinci Qarabağ müharibəsi başa çatdıqdan sonra həm dəmir, həm də avtomobil yollarının, o cümlədən Naxçıvana aparan yolların bərpasına başlanılıb.

 Dövlət başçısının sözlərinə görə, bu gün Horadiz–Ağbənd avtomobil yolu demək olar ki, hazırdır, dəmir yolunun tikintisi də sürətli templərlə davam edir.

“Biz bu layihəni istənilən an sürətləndirə bilərik. Sadəcə, buna ehtiyac görmürük, çünki Ermənistan tərəfi hələ hazır deyil”, — deyə o əlavə edib.

Eyni zamanda, Prezident Əliyev vurğulayıb ki, bir çox beynəlxalq qurumlar, xüsusən də Aİ və bəzi ölkələr Azərbaycan Dəmir Yollarının Naxçıvan seqmentinə maraq göstərirlər.

 Dövlət başçısı qeyd edib ki, Avropa İttifaqının nümayəndələri Naxçıvana ezam olunublar, orada vəziyyətlə yerindəcə tanış olublar və onlar da bu dəhlizin iştirakçısına çevrilmək istəyirlər.