GADTB Güney Azərbaycan Demokratik Türk Birliyi
GADTB-nin Mətbuat Mərkəzinin yaydığı məlumata görə, İran adlanan ölkə Azərbaycan tarixini və Azərbyacan həqiqətlərini təhrif etmək məqsədilə hər növ rəzalət və hiyləyə əl atmaqdadır. Rejimin göstərişi ilə Ərdəbil vilayətinin müxtəlif şəhərlərində 31 Dekabr Dünya Azərbaycanlılarının Həmrəylik Gününün təhrif edilməsi və həmin günün 19 yanvara (19 yanvardan 20 yanvara keçən gecə və ya 20 yanvar faciəsi günü) keçirilməsi ilə bağlı mərasimlər keçiriblər.
Mərasimlərdən məqsəd isə sərhəd hərəkatı və Dünya Azərbaycanlılarının Həmrəylik Gününü təhrif etmək, həm də 20 yanvar faciəsini hədəf almaqdır. Üstəlik Azərbaycanlıların sərhədi sökməsini onların İrana birləşməsi kimi qələmə verilməsi qarşıya məqsəd qoyulub.
Qeyd edək ki, İran rejimi illər öncədən Azərbaycan həqiqətlərini təhrif etmək məqəsdilə çoxsaylı tədbirlər keçirməkdədir. Bu barədə də 19 yanvar ərəfəsində artıq rejimin göstərişi ilə Ərdəbil vilayətinin müxtəlif şəhərlərində Azərbaycan tarixi və həqiqətlərinin təhrifi istiqamətində tədbirlər davam edir. Hətta Azərbaycanlıların Həmrəylik Günü “Müsəlman Azərilərin Günü” kimi təhrif edilmiş formada təqdim edilir.
