İran adlanan ölkədə daha 3 ekoloji fəal casusluq ittihamı ilə həbs edilib

GADTB-nin Mətbuat Mərkəzinin əldə etdiyi məlumata görə, irqçi fars rejimi azərbaycanlı ekoloji fəal Seyid İmaminin həbsi və zindanda öldürülməsindən sonra casusluq ittihamı ilə ətraf mühitin qorunması sahəsində fəaliyyət göstərən daha 3 nəfər həbs edilib.

Bu barədə irqçi fars rejiminin məhkəmə sisteminin sözçüsü Qulamhüseyn Möhsini Ejeyi açıqlama verib. O bildirib ki, 3 nəfər ölkənin cənubunda Hormuzqan vilayətində yaxalanıb.

“Bu işlə bağlı bir neçə nəfər ittiham olunur, lakin onların arasında əcnəbi vətəndaş yoxdur. Son günlər Hormozqanda 3 nəfər saxlanılıb. Birləşmiş Ştatlar və İsrailin ölkəyə nüfuz etməyə çalışması ciddi məsələdir”, – deyə sözçü bildirib.

Qeyd edək ki, irqçi fars rejimi bir müddət öncə azərbaycanlı universitet müəllimi və ekoloji fəal Seyid İmamini yaxalayaraq, zindanda öldürmüşdür.