Cümə axşamı , Dekabr 1 2022
azfa

İran Bəhreyndə neft kəmərini partlatdığı təkzib edib

GADTB-nin Mətbuat Mərkəzinin İran adlanan ölkənin mətbuatına istinadən yaydığı məlumata görə, İran Xarici İşlər Nazirliyinin sözçüsü Bəhram Qasimi Bəhreynin İranın bu ölkənin neft kəmərini partlatdığına dair ittihamını rədd edərək, bildirib ki,  Bəhreynin rəsmi şəxsləri istənilən hadisədən sonra günahı İranın üzərinə yıxmaq istəyirlər.

Bəhram Qasimi Bəhreynin ittihamını absurd sayaraq deyib ki, “uşaq ittihamı oyunları”nın zamanı başa çatdıb: “İran həmişə deyib ki, İranın təhlükəsizliyi və sabitliyi bütün qonşu ölkələrin təhlükəsizliyi və sabitliyindən asılıdır”.

Qeyd edək ki, noyabrın 10-da axşam saatlarında Səudiyyə Ərəbistanı və Bəhreyn arasındakı neft kəmərində yanğın baş vermişdi. Bəhreynin Hamad şəhərində neft kəmərində baş verən yanğın yanğınsöndürənlər tərəfindən söndürülmüşdü. Bəhreyn Daxili İşlər Nazirliyi yanğının təxribat nəticəsində baş verdiyini açıqlamışdı. Bəhreyn Xarici İşlər Nazirliyi Xaled bin Əhməd əl-Xəlifə İranı təxribat törətməkdə günahlandırmışdı.

Həmçinin yoxlayın

Molla rejimi etirazlarda yolu bağlamaq istəyən azərbaycanlı fəalı edama məhkum etdi

GADTB-nin Mətbuat Mərkəzinə daxil olan məlumata görə, irqçi fars-molla rejimi etirazlarda yolu bağlamaq istəyən azərbaycanlı …

GADTB-nin iştirakı ilə “Urmiya gölünün qurudulması”na dair ictimai müzakirə keçirilib

GADTB: 30 noyabr tarixində “Urmiya gölünün qurudulması” ilə bağlı ictimai müzakirə keçirilib. Keçirilən müzakirədə “Güney …