GADTB Güney Azərbaycan Demokratik Türk Birliyi
GADTB: İran İslam Respublikasının xarici işlər nazirinin müavini hökumətin müəyyən etdiyi qaydalardan kənar marşrutlardan istifadə olunacağı təqdirdə Hörmüz boğazından gəmilərin təhlükəsiz keçidinə təminat verilməyəcəyini bildirib.
Kazım Qəribabadi cümə günü X sosial şəbəkəsində yazıb: “İranın sahilyanı dövlət kimi nəzərə alınmadığı, qeyri-müəyyən mexanizmlərə, alternativ marşrutlara və ya İranın mövqeyindən kənarda qəbul edilən qərarlara əsaslanan keçidlərin təhlükəsizliyi təmin olunmur.”
O iddia edib ki, “hər hansı etibarlı mexanizm İranla koordinasiyaya və İslamabad Anlaşma Memorandumunun beşinci bəndinə əsaslanmalıdır. Əks halda, müəyyən edilmiş alternativ marşrutun fəaliyyəti dayandırılacaq.”
Bu açıqlama Hörmüz boğazında, Oman sahilləri yaxınlığında bir yük gəmisinə hücumdan bir gün sonra verilib.
ABŞ rəsmilərindən biri cümə günü bildirib ki, həmin hücum İran tərəfindən pilotsuz uçuş aparatı (PUA) vasitəsilə həyata keçirilib. İran bu hücumun məsuliyyətini rəsmi şəkildə üzərinə götürməsə də, hadisə SEPAH-ın yalnız İranın müəyyən etdiyi marşrutlardan istifadə edən gəmilərin təhlükəsiz keçidə malik olacağı barədə xəbərdarlığından cəmi bir neçə saat sonra baş verib.
