Qədim türk yurdu Krım üzərində mübarizə kəskinləşir

GADTB: Qədim türk yurdu Krım üzərində mübarizə kəskinləşir. Ukrayna ordusu Krımın azad olunması əməliyyatına hazırlığa başlayır. 2022-ci ildə bəri Qılburun dilinə nəzarət edən ruslar oradan qaçmağa başlayıblar.

Nikolayev vilayətində yerləşən Qılburun dili 2022-ci ilin mart ayında Xerson istiqamətində irəliləyən ruslar tərəfindən işğal olunub. Son həftələr ərzində USQ o ərazidə logistikanı intensiv sıradan çıxarırdı və nəticə etibarı ilə ruslar Qılburun dilini tərk etməyə başlayırlar.

Məlumata görə, artıq Krım və Sevastopolda fövqəladə vəziyyət elan olunub.

Bunu Krımın rəhbəri Sergey Aksenov Teleqram kanalında yazıb.

“Sevastopol şəhərinin qubernatoru Mixail Razvojayevlə birgə Krım və Sevastopol şəhərində regional səviyyədə fövqəladə vəziyyət elan edilməsi haqqında fərmanların imzalanması barədə qərar qəbul edilib” , — o bildirib.

Qeyd edək ki, regionda bir müddətdir yanacaq böhranı yaşanır. Ukrayna tərəfi Rusiyanın Krım və Sevastopolu yanacaqla təmin etməsinə imkan vermir. Regiona gedən bütün yanacaq təminatı Ukrayna dronlarının hücumuna məruz qalır.