İran İrəvandakı Göy məsciddən öz siyasi məqsədləri üçün istifadə edir

GADTB: İrəvan xanlığı dövründə tikilən və Azərbaycanın mədəniyyət incisi sayılan Göy məscid indi İran hökuməti tərəfindən fars dilinin Ermənistanda tədrisinin yayılması üçün istifadə olunur.

Belə ki, mayın 14-də Göy məsciddə İran şairi Firdosinin doğum günü və fars dilinin qorunması günü ilə bağlı görüş keçirilib.

Məlumata görə, görüşdə İranın Ermənistandakı səfiri Mehdi Sübhani və səfirliyin mədəniyyət attaşesi Məhəmməd Əsədi Movəhhed, o cümlədən bu ölkədə fars dilinin tədris olunduğu məktəblərin müəllimləri də iştirak ediblər.

Qeyd edək ki, Ermənistan tərəfindən İrana “icarəyə” verilən Azərbaycanın memarlıq_abidəsi hazırda fars dilinin tədrisi mərkəzinə çevrilib. Göy Məscidin “fars abidəsi” kimi qələmə verilməsi, İranın casus_yuvasına çevrilməsindən sonra indi də fars dilinin ermənilər arasında təbliği üçün bir vasitə olub. /Azad İran