GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irqçi fars rejimin məhkəməsi Təbrizdə azərbaycanlı fəal Məhəmməd Mərdini mühakimə etdi.
Azərbaycanlı fəalın məhkəməsi oktyabr ayının 26-da keçirilib.
Azərbaycanlı fəal Sina xəstəxanasında müalicə aldığı üçün məhkəmədə iştirak edə bilməyib və onun vəkili məhkəmə iclasında olub.
İrqçi fars rejimin məmurları fəal Məhəmməd Mərdini yaxalayarkən onu döyüblər. Nəticədə o başı və çənəsindən xəsarət alıb.
Bundan öncə isə rejimin Təbrizdəki prokurorluğunun 15-ci şöbəsində Mərdiyə qarşı “İctimai asayişi pozmaq” ittihamı irəli sürülüb, barəsində qaldırılmış “Sistemə qarşı təbliğat” ittihamı isə ləğv edilmişdi.
Qeyd edək ki, Məhəmməd Mərdi iyulun 24-də İran rejiminin məmurları tərəfindən yaxalanmışdı. Azərbaycanlı fəal yaxalanarkən döyülüb, baş və çənə nahiyəsindən ciddi xəsarət almışdı.
Azərbaycanlı fəal ETTELAAT-ın təcridxanasında dindirildikdən sonra avqustun 11-də rejimin Təbrizdəki zindanına köçürülmüş, avqustun 14-də isə girov qarşılığında zaminə buraxılmışdı.
