GADTB-nin Mətbuat Mərkəzinə daxil olan məlumata görə, irqçi fars rejim Güney Azərbaycanın Kərəc şəhərində yaşayan azərbaycanlı milli-mədəni fəal Xədicə (Turan) Hejəbriyə qarşı ciddi təzyiq göstərməkdədir.
O martın 30-da şəxsi sosial media hesabındakı paylaşımında İranın ETTELAAT qüvvələrinin özü və ailəsinə qarşı basqıları artırdığını yazıb.
Azərbaycanlı xanım fəal yaşadıqları binanın avtomobil parkından həyat yoldaşının taksi kimi istifadə etdiyi şəxsi avtomobillərinin oğurlandığını, sonradan avtomobilin yararsız qalıqlarının polis tərəfindən onlara verildiyini deyib.
Fəalın yazdığına görə, ailəsinin polisə müraciətləri nəticə verməyib və bundan öncə baş verən başqa hadisələrə görə, bu hərəkətin İranın ETTELAAT məmurları tərəfindən onlara qarşı növbəti təzyiq olduğu bildirilir.