GADTB Güney Azərbaycan Demokratik Türk Birliyi
GADTB-nin Mətbuat Mərkəzinə daxil olan məlumata görə, irçi fars rejimin iyulun 9-da Güney Azərbaycanın Vərziğan bölgəsinin Köhnəli kəndində yaxaladığı azərbaycanlı fəal Behnam Zareyi rejimin ETTELAAT İdarəsinin təcridxanasından Əhərdəki zindana köçürülüb.
Azərbaycanlı fəalın yaxınları bildiriblər ki, onlar rejimin Vərziğandakı Ümumi və İnqilab Prokurorluğuna müraciət etdikdən sonra bu barədə məlumat alıblar.
Prokuror fəalın ailəsinə bildirib ki, onun dosyesi ETTELAAT-dadır və hələlkik araşdırmalar davam edir.
Rejimin prokuroru həmçinin Əsgər Məhəmmədinin Behnam Zareinin vəkilliyini üzərinə götürməsinə mane olub və vəkilin onu müdafiə etməsi təklifini rədd edib.
Behnam Zareinin hələ də nədə ittiham olunduğu barədə məlumat verilməyib. Eyni zamnda 3 həftədən çoxdur ki, həbs edilən azərbaycanlı milli fəalın ailəsi ilə görüşünə və telefon əlaqəsinə icazə verilməyib.
Qeyd edək ki, Güney Azərbaycan Vərziğan bölgəsindən olan və Təbriz Universitetində nəşr olunan “Ərk” nəşrinin baş redaktoru olmuş azərbaycanlı milli-mədəni fəal Behnam Zarei iyulun 9-da Vərziğanın Köhnəli kəndində yerləşən şəxsi evində həbs olunmuşdu.
Azərbaycanlı milli fəalın mobil telefon, kompüter və başqa şəxsi əşyalarının da rejimin məmurları tətəfindən müsadirə edilmişdir.
Azərbaycanlı fəalın ata və anasının övladları barədə xəbər tutmaq üçün məhkəməyə müraciətləri zamanı rejimin məmurları onlara qarşı kobudluq edib və onlar zorla məhkəmə binasından çıxarmışdılar.
