GADTB-nin Mətbuat Mərkəzinə daxil olan məlumata görə, CNN telekanalının amerikalı rəsmiyə istinadən yaydığı xəbərə görə, əldə olunan məlumatlar rusiyalı nümayəndələrin son həftələrdə İranın pilotsuz uçaqları ilə işləmək üçün İranda təlim keçdiklərini göstərir.
Amerika rəsmisi bu təlimləri İranın insansız uçaqlarını Rusiyaya satmaq planının bir hissəsi adlandırıb.
Onun dediyinə görə, təlimlərin keçirilməsi ilə bağlı məlumatların məxfiliyi son vaxtlar aradan qaldırılıb.
Xatırladaq ki, bir sıra Amerika rəsmiləri son həftələrdə Ukraynaya qarşı müharibədə istifadə etmək məqsədilə Rusiyaya İran istehsalı dronların göndərilməsi ilə bağlı xəbərdarlıq ediblər.